و لحد امتى يا انسان حتفضل عايش في ذل و هوان
في كل زمان وأوان مش شايف حوليك غير اللجام
لكن المشكلة مش في اللجام و لا في اللي عملوه و سموه زي الامان
لا... المشكلة فيك يا انسان انك سكت رغم انك خايف تنام
اول ما جيت الدنيا بكيت رغم سعادة الناس حوليك
و فضلت تبكي لحد الموت... لأ.. ده مش موت ديه حالة سكوت
سكت عن الحق .....سكت ولا قولت لأ
اتكلم قوم و قول ولا عايز تفضل عايش مهموم
مستني دورك في الكلام و مش عايز تأخذ خطوة للأمام
عايز غيرك هو اللي يتكلم و انت تتفرج و لا تتعلم
حتقول ما انا ياما حولت اقول بس صوتي كان غير مسموع
نديت و بكيت و مسمعنيش غير اللي جوه البيت
انا واحد ضعيف مليش نفوذ عندي عزة نفس لكن مفيش فلوس
واحد مهدور الحق , مهزوم و لا أقدر أقول لأ...
اتعلمت اسكت و اطاطي و بقيت من جوه واحد فاضي
بقيت مش شايف فين نفسي ,تايه و بدور على اسمي
انا في يوم كان اسمي المصري
عايش رافع رأسي بمجدي و نصري
المصري طول عمره قوي عنده عزيمه و انسان سوي
الامل دايما عنده موجود و الهزيمة ملهاش في حياته وجود
مفيش عنده ابدا"مستحيل و دايما" ماشي في خط مستقيم
دايما" ناظر للامام و شجاعته هي درع الامان
قوته ساكنه في كلمته و ايمانه و صبره و حكمته
و كرامته اغلى ما عنده و هو ده منبع اصلته
انت فين دلوقتي يا مصري !!!!
قوم دور على أصلك يا مصري .....
يلا يا ابن بلدي كفايه استسلام
عايزين نعيش في امان و سلام
ثبت قدمك و حدد هدفك
و املأ دايما" قلبك بحبك لبلدك
بعلمك و جهدك يا ابن مصر
حتعيش بلدك في مجد و نصر
No comments:
Post a Comment